ԿԱՅՔԻ ՔԱՐՏԵԶ
ԹԵԺ ԳԻԾ
17.08.2021 13:12
Նաբերեժնայա փողոցում ավտոմեքենա է գլորվել ձորը
Օգոստոսի 15-ին ժամը 20:20-ին ԱՀ ՆԳ նախարարության ոստիկանության 1-02 հերթապահ մասում, միաժամանակ ԱԻՊԾ 911 ահազանգման կենտրոնում հաղորդում է ստացվել, որ Նաբերեժնայա փողոցում ավտոմեքենա է գլորվել ձորը:
Օգնություն ցուցաբերելու նպատակով դեպքի վայր են մեկնել ոստիկանության և փրկարար ծառայողները, ինչպես նաև շտապ բժշկական օգնության հերթապահ բժիշկները:
Հետաքննիչը պարզել է, որ նույն օրը ժամը 19:40-ի սահմաններում Ստեփանակերտ քաղաքի բնակիչ Հ.Ա.-ն (ծնված 1992թ.) վարելով «Մերսեդես Բենց» ավտոմեքենան, նշված փողոցի թիվ 3/3 հասցեի դիմացի ճանապարհահատվածում դուրս է եկել ճանապարհի երթևեկելի գոտուց դեպի ձախ և անտառածածկ հատվածով գլորվել ձորը՝ հայտնվելով ճանապարհից մոտ 25 մետր ցած՝ հողածածկ մեկ այլ ճանապարհահատվածում:
ՃՏՊ հետևանքով վերջինս ձախ ծնկի հոդի փափուկ հյուսվածքների սալջարդներով տեղափոխվել է «Հանրապետական բժշկական կենտրոն» ՓԲԸ: Ըստ բժիշկներից ստացված տեղեկության նրա առողջական վիճակը բավարար է:
Ստուգմամբ զբաղվում է ոստիկանության քաղաքային վարչությունը:
