01.09.2021 18:29
«Ուշադրությու՛ն, երեխաներ են»
Ներքին գործերի նախարարությունը շնորհավորում է գիտելիքի և դպրության օրվա կապակցությամբ և տեղեկացնում, որ սեպտեմբերի 1-10-ը հանրապետության տարածքում կազմակերպվում է անվտանգ երթևեկության տասնօրյակ՝ «Ուշադրությու՛ն երեխաներ են» կարգախոսով, որի ընթացքում ոստիկանության ճանապարհային ոստիկնության վերակարգերն ավելի կմոտեցվեն դպրոցներին և մերձակա խաչմերուկներին:
Ճանապարհային ոստիկանության ծառայողները կլինեն նաև կրթօջախներում և դպրոցականների հետ կանցակացնեն երթևեկության կանոնների վերաբերյալ դասընթացներ:
Ծնողներին հորդորում ենք երեխաների նկատմամբ լինել ավելի ուշադիր և հատկապես նրանց ներկայությամբ խուսափել ճանապարհային երթևեկության կանոնների խախտումներից:
Տասնօրյակի և ամբողջ ուսումնական տարվա ընթացքում ճանապարհային անվտանգ երթևեկություն կազմակերպելու և դժբախտ պատահարներից զերծ մնալու համար, ՆԳ նախարարությունը կոչ է անում երթևեկության մասնակիցներին լինել առավելագույն ուշադիր և խստորեն պահպանել ճանապարհային երթևեկության կանոնները: