19.12.2022 13:09
Տնտեսվարողներին զգուշացվել է դադարեցնել պայթուցիկ նյութերի հետագա վաճառքը, հաշվի առնելով Հանրապետությունում ստեղծված իրավիճակը:
ՆԳՆ ոստիկանության Ստեփանակերտ քաղաքի վարչությունը՝ համատեղ ԱԻՊԾ ծառայողների, Ստեփանակերտ քաղաքի հանրախանութներում և կրպակներում իրականացրել են ակնադիտական զննություններ, կապված ամանորյա պայթուցիկ առարկաների և ճայթռուկների վերաբերյալ:
Ակնադիտական զննությունների արդյունքում պարզվել է, որ մի շարք տնտեսվարողներ զբաղվել են անօրեն վաճառքով և չունենհամապատասխան լիցենզիա: Վերջիններս տեղական ինքնակառավարման մարմինների կողմից կենթարկվեն վարչական պատասխանատվության:
Լիցենզիա ունեցող 3 կազմակերպություն դադարեցրել է ամանորյա ճայթռուկների և պայթուցիկ նյութերի վաճառքը:
ՆԳ նախարար Կարեն Սարգսյանի կարգադրությամբ, ստուգումները կշարունակվեն նաև առաջիկա օրերին:
Նախարարությունը ևս մեկ անգամ հորդորում է՝
Աղետալի հետևանքներից խուսափելու և ստեղծված իրավիճակում վախի մթնոլորտ չստեղծելու, ավելորդ խուճապ չտարածելու համար՝ չվաճառել և կամ պարզապես չգնել որևէ պայթուցիկ սարք: