ԿԱՅՔԻ ՔԱՐՏԵԶ
ԹԵԺ ԳԻԾ
09.06.2016 18:04
Փախցրել են «ՎԱԶ 2106»
Հունիսի 8-ին Ստեփանակերտ քաղաքի Մելիքավան թաղամասի N տան բնակիչ, 1992թ. ծնված Ա. Ս-ն ոստիկանության շրջբաժին է դիմել այն մասին, որ նույն օրը՝ ժամը 20:30-ի սահմաններում, անհայտ անձինք փախցրել են տան մոտ կայանված՝ իր կողմից շահագործվող «ՎԱԶ 2106» մակնիշի ավտոմեքենան:
Ձեռնարկված միջոցառումների արդյունքում նշված ավտոմեքենան հայտնաբերվել է Ստեփանակերտ-Ասկերան ճանապարհի 2-րդ կիլոմետրին և պարզվել, որ այն փախցրել են Ազատամարտիկների փողոցի թիվ 29 շենքի N բնակարանի բնակիչ, 1992թ. ծնված Ա. Գ-ն, 1985թ. ծնված Ն. Դ-ն, Համբարձումյան փողոցի N տան բնակիչ, 1994թ. ծնված Հ. Հ-ն և Սասունցի Դավթի փողոցի թիվ 58 շենքի N բնակարանի բնակիչ, 1995թ. ծնված Մ. Պ-ն:
Նշված անձինք բերման են ենթարկվել ոստիկանության քաղվարչություն: